అభ్యుదయ గీతం...

 

పల్లవి:

ఎవరు హిందువు..?

ఎవరు క్రిస్టియన్..?

ఎవరు ముస్లిం..?ఎవరు సిక్కు..? 

స్వేచ్ఛగా జీవించుట

కాదా మన జన్మహక్కు..?||ఎవరు||

చరణం...1

మతము మతము అంటూ 

మారణ హోమాలు ఏల..? 

మతం ఒక పిచ్చి మొక్క కాదా..? 

పెరగనివ్వకు పెరగనివ్వకు 

సోదరా...పెరటిలో ||ఎవరు||

కులము కులము అంటూ 

కుమ్ములాట లేల..?

కులము ఒక గజ్జి కుక్క కాదా 

తిరగనివ్వకు తిరగనివ్వకు

సోదరా... వీధిలో ||ఎవరు||

చరణం...2

కులం ఒక కుళ్ళు కాదా...?

మతం ఒక ముళ్ళు కాదా..?

నిన్న మతం ఒక మత్తుమందు కాదా..? 

నేడు ఆ పేరెత్తితేనే రక్తము చిందుకాదా..?

కాలి కూలిపోవాలి కులమత కుడ్యాలు...

జగతికి ప్రగతికి ఇవి కావా జాడ్యాలు...

 ||ఎవరు||

చరణం...2

రాముడు కోరునా రక్తాభిషేకం లేదు లేదే...

అల్లా కోరునా అల్లకల్లోలం లేదు లేదే... 

క్రీస్తు కోరునా కిరాతకం లేదు లేదే... 

కులము మృగమును కూల్చివేసిన... 

మతోన్మాదమును మంట కలిపిన...

మదిలో మానవత్వమే పొంగిపొరలదా..?

మహిలో మతసామరస్యమే వర్ధిల్లదా...?

 ||ఎవరు||

రచన:

పోలయ్య కవి కూకట్లపల్లి 

అత్తాపూర్ హైదరాబాద్