డాక్టర్ బిఆర్ అంబేద్కర్ అంటే..?
అంబేద్కర్ అంటే..?
తాడిత పీడిత బడుగు
బలహీన వర్గాలకు
బహుజనులకు
ఒక ఆశాకిరణం..!
అంబేద్కర్ అంటే..?
ఒక గొప్ప పాఠకుడు...
ఒక బహుగ్రంధకర్త...
అంబేద్కర్ అంటే..?
విదేశాలలో ఎన్నో
విలువైన పట్టాలు
డిగ్రీలు పొందిన
మొట్టమొదటి...
భారతీయుడు..!
నిమ్న జాతీయుడు..!
అంబేద్కర్ అంటే..?
ఒక అన్వేషి...
ఒక పరిశోధకుడు...
ఒక త్రినేత్రుడు...
ఒక జ్ఞాన సూర్యుడు...
అంబేద్కర్ అంటే..?
ఒక విజ్ఞాన గని...
ఒక జ్ఞాన భాండాగారం...
నడిచే ఒక విశ్వవిద్యాలయం..!
అంబేద్కర్ అంటే..?
ఒక సాహస వీరుడు...
ఒక పోరాట యోధుడు...
అంబేద్కర్ అంటే..?
ఒక నిస్వార్థ
రాజకీయ నాయకుడు...
ఒక ఉద్యమ నాయకుడు...
ఒక గొప్ప సంఘసంస్కర్త....
ఒక గొప్ప నిష్కలంక దేశభక్తుడు...
అంబేద్కర్ అంటే..?
ఎన్నో అవమానాల
విషాన్ని దిగమింగిన
గరళ కంఠుడు
అంబేద్కర్ అంటే..?
ఒక అగ్ని పర్వతం...
ఒక అగ్ని జ్వాల...
అంబేద్కర్ అంటే..?
ఒక మరఫిరంగి...
ఒక ఒంటరి యుద్ధనౌక..!
అంబేద్కర్ అంటే..?
ఒక ధీశాలి...
ఒక స్నేహశీలి...
ఒక బాహుబలి...
అంబేద్కర్ అంటే..?
ఒక ఘనుడు...
త్యాగధనుడు...
అంబేద్కర్ అంటే..?
నీతి నిజాయితీకి
నిలువెత్తు నిదర్శనం..!
అంబేద్కర్ అంటే..?
ఒక ఆశావాది...
ఒక న్యాయవాది...
ఒక సమతావాది...
ఒక మమతావాది...
ఒక అభ్యుదయవాది..!
అంబేద్కర్ అంటే..?
ప్రపంచం మెచ్చిన
ఒక గొప్ప మేధావి..!
అంబేద్కర్ అంటే..?
ఒక బహుముఖ ప్రజ్ఞాశాలి..!
అంబేద్కర్ అంటే..?
ఒక విశ్వగురువు...
ఒక విశ్వ విజేత...
ఒక అభినవ
గౌతమ బుద్ధుడు...
ఒక మహావ్యక్తి ఒక మహాశక్తి..!
అంబేద్కర్ అంటే..?
ఒక మార్గదర్శి...
ఒక దిక్చూచి.....
ఒక కాంతి కిరణం...
ఒక శాంతి శిఖరం...
ఒక దళిత జాతి జ్యోతి..!
"కవి రత్న"
"సహస్ర కవి"
పోలయ్య కూకట్లపల్లి
అత్తాపూర్ హైదరాబాద్
చరవాణి...9110784502
Comments
Post a Comment