అమ్మా !
మీకు వందనం !!
పాదాభివందనం !!!
అమ్మా ! ఓమాయమ్మా!
ఎక్కడున్నావమ్మా ?
ఎక్కడికెళ్ళిపోయావమ్మా ?
స్వర్గానికే వెళ్ళి వుంటావు
నిన్న నీవు దూరమైనందుకు...
దుఃఖంలో మునిగి పోయాము
కానీ అమ్మా ! ఓ మాయమ్మా!
నిన్న నీవు కన్ను మూసినా...
కాటికెళ్ళినా కాలి బూడిదైనా...
నీవింకా సజీవంగానే వున్నావన్న...
నీవు మా గుండెల్లో ఆరనిదీపమై...
నిత్యం వెలుగుతూనే వున్నావన్న...
తీపిజ్ఞాపకాలతో ఆత్మతృప్తితోఉన్నాం...
కానీ అమ్మా ! ఓ మాయమ్మా!
నీవులేని మా జీవితాన చిమ్మచీకట్లే...
అడుగడుగునా లెక్కలేనన్ని ఇక్కట్లే...
ఆ దివినుండి మమ్ము చల్లగా చూడమ్మా...
కంటికిరెప్పలా నీ బిడ్డల్ని కాపాడవమ్మా...
అమ్మా ! ఓ మాయమ్మా !
నిత్యం నీ మరణాన్ని మేము కోరుకొనివుంటే...
నీవు మాకు బరువైపోయావని భావించివుంటే...
నీ కోరికలు తీర్చకపోతే నీ ఆశలు నెవేర్చకపోతే...
నీవు మంచాన పడితే ఇన్ని మందులివ్వకపోతే...
అమ్మా ! ఓ మాయమ్మా.!
నిన్ను ఏనాడైనా గట్టిగా ఒక తిట్టు తిట్టివుంటే...
నిస్సహాయురాలను చేసి ఏనాడైనా నిన్ను కొట్టివుంటే...
ఏనాడైనా ఏ ఒక్కరోజైనా నీ ఆకలి తీర్చకపోయివుంటే...
అడిగినా నీకు కడుపునిండా తిండి పెట్టకపోయికుంటే...
క్షమించమ్మా నీ అమృతహస్తాలతో మమ్ము దీవించమ్మా...
అమ్మా ! ఓ మాయమ్మా ! మీకు వందనం ! పాదాభివందనం !
రచన:
"కవి రత్న"
"సహస్ర కవి"
పోలయ్య కూకట్లపల్లి
అత్తాపూర్ హైదరాబాద్
చరవాణి...9110784502
Comments
Post a Comment