ఎగురవేద్దాం ! ఎగురవేద్దాం ! మువ్వన్నెల జెండా !
స్మరించుకుందాం ! స్మరించుకుందాం !
దేశభక్తిని...చైతన్యజ్వాలను రగిలించే
వందేమాతరం...జనగణమనవంటి
సుమధురగీతాల సృష్టికర్తలైన ఆ
బంకించంద్ర చటర్జీ...రవీంద్రనాథ్ ఠాగూర్ లను...
స్వాతంత్ర్య స్ఫూర్తిని నింపే జాతీయపతాక
రూపశిల్పి గాంధేయవాది శ్రీ పింగళి వెంకయ్యను...
తెలుపుదాం ! తెలుపుదాం ! విప్లవాభివందనాలు
అమర్ రహే అంటూ దిక్కులుపిక్కటిల్లేలా నినదిస్తూ
పిన్నవయసులోనే దేశరక్షణ కోసం ప్రాణాలను తృణప్రాయంగా త్యాగంచేసి తల్లి భరతమాత
నుదుట రక్తతిలకాన్ని దిద్దిన విప్లవవీరులైన
ఆ భగత్ సింగ్...ఆ అల్లూరి సీతారామరాజులకు...
గుర్తుచేసుకుందాం ! గుర్తుచేసుకుందాం !
భారతమాత దాస్య శృంఖలాలను త్రెంచ
ఆంగ్లేయుల అకృత్యాల నెదిరించి జైళ్ళలో మ్రగ్గిన
స్వాతంత్ర్య సమరయోధులు...జాతినేతలైన
ఆ గాంధీజీ నెహ్రూ నేతాజీ సర్దార్ వల్లభాయ్ పటేల్
అటల్ బిహారీ వాజపేయి ఇందిర అబ్దుల్ కలాంలను...
ప్రజాస్వామ్యాన్ని పరిరక్షించే అత్యున్నతమైన
రక్షణ కవచనం వంటి రాజ్యాంగాన్ని రచించిన
ఆ అపర మేధావి అమరజీవి అంబేద్కర్ ను...
తీసుకుందాం ! తీసుకుందాం ! ఆదర్శంగా...
తమ సర్వస్వాన్ని దేశసేవకే అంకితంచేసిన
ఆ త్యాగమూర్తులను...ఆ సమతావాదులను...
మనకు ఖండాంతర ఖ్యాతినార్జించిన
ఆ అపరమేధావులను...ఆ సంఘసంస్కర్తలను....
చేద్దాం ! చేద్దాం ! ప్రణమిల్లి పాదాభివందనం...
మన విభిన్న సంస్కృతి సాంప్రదాయాలను
సనాతన ధర్మాలను భగవద్గీత ప్రబోధాలతో
ముందు తరాలకందిస్తున్న ఆ సద్గురువులకు...
చేద్దాం ! చేద్దాం ! నిత్యం పూజలు...
చేతులుజోడించి...శిరమునువంచి...భక్తితో...
"బంగారుతల్లి భరతమాత" పాదారవిందాలకు....
చేద్దాం! చేద్దాం ! నేడే భగవద్గీతపై ప్రమాణం...
దేశసమగ్రతే...మా ఆశయమని మాఆఖరి లక్ష్యమని...
ఏ యుద్ధానికైనా ప్రాణార్పణకైనా సదా మేంసిద్ధమని..
జైహింద్ జైహింద్...జై భారత్ జై భారత్
రచన:
"కవిరత్న"
"సహస్ర కవి"
పోలయ్య కూకట్లపల్లి
అత్తాపూర్ హైదరాబాద్
చరవాణి...9110784502
Comments
Post a Comment