కవిని నేను... కాస్త జాగ్రత్త..!
కవిని నేను...
కలం పట్టానంటే...
గుట్టంతా రట్టు చేస్తాను..!
కవిని నేను...
కలం పట్టానంటే...
కడుపులో పేగుల్ని లెక్కపెడతాను..!
కవిని నేను...
కలం పట్టానంటే...
కలంతోనే శతృవుల్ని ఖతం చేస్తాను..!
కవిని నేను...
కలం పట్టానంటే...
మానవత్వాన్ని మరచినవారికి...
మౌనంగా మరణశాసనం లిఖిస్తాను..!
కవిని నేను...
కలం పట్టానంటే...
సమాజంలో రుగ్మతలను సమాధి చేస్తాను..!
కవిని నేను...
కలం పట్టానంటే...
కమ్మనికలలు కంటాను...
పచ్చదనాన్ని ప్రేమిస్తాను...
మోడువారిన బ్రతుకుల్ని చిగురింప జేస్తాను..!
కవిని నేను...
కలం పట్టానంటే...
కస్సుబుస్సు మనను...
కాటువేయను కడుపుమీద కొట్టను కానీ
పంతానికి వస్తే మాత్రం అక్షరాలతో అంతంచేస్తాను..!
రచన:
"కవి రత్న"
"సహస్ర కవి"
పోలయ్య కూకట్లపల్లి
అత్తాపూర్ హైదరాబాద్
చరవాణి...9110784502
Comments
Post a Comment