అందమైనదని...
ఆస్తిపాస్తులున్నాయని...
ఇష్టపడి మూడుముళ్ళువేసి
ఎన్నో ఏళ్లుగా హాయిగా...
కలిసి కాపురం చేయగా...
భార్యపై కాసింత మోజు తగ్గిపోవచ్చు
నిన్నటి తియ్యటి బెల్లం
నేడు అల్లం కావచ్చు...
నిన్నటి ప్రాణదేవత
నేడు దెయ్యం కావచ్చు...
నిన్నటి తేనెచుక్క
నేడు విషపుచుక్కకావచ్చు...
రోజు రోజుకు ప్రేమజ్వాల
కాసింత కాసింత చల్లారిపోవచ్చు...ఆపై
"పరస్త్రీ వ్యామోహం"లో పడిపోవచ్చు...
పరువు పోవొచ్చు ప్రమాదకరం కావొచ్చు...
మనిషి వ్యక్తిత్వానికి
మాయని మచ్చతేవొచ్చు...
నిన్నటి ఆ మూడుముళ్ళబంధం
మూన్నాళ్ళ ముచ్చటే కావొచ్చు...
విధి విషం చిమ్మవచ్చు
విడాకులతో వారిని విడదీయవచ్చు...
ఆ దంపతులు అనుభవించే
స్వేచ్ఛా స్వాతంత్ర్యాలకు
అదృశ్యంగా ఇనుపసంకెళ్లు పడవచ్చు...
అందుకే
ఓ నవదంపతులారా !
తరగని నమ్మకం... కరగనిప్రేమ
మీకు రెండు కళ్ళు కావాలి...
ఒక హృదయమై పోవాలి
కమ్మని నా ఈ మాట కలనైనా మరువకండి..!
రచన:
"కవిరత్న"
"సహస్రకవి"
పోలయ్య కూకట్లపల్లి
అత్తాపూర్ హైదరాబాద్
చరవాణి...9110784502
Comments
Post a Comment